Aoaoga mo le Aso Sa Lima mo Tagata Matutua ma le Autalavou – Aso Sa 29 Iuni 2025  

Faaaogaina o Ordinance  Ready (Sauniga ua Saunia) mo Malumalu ma Talafaasolopito o Aiga

1
Pacific Languages (English, Tongan, French)

Aoaoga mo le Aso Sa Lima mo Tagata Matutua ma le Autalavou – Aso Sa 29 Iuni 2025
Faaaogaina o Ordinance  Ready (Sauniga ua Saunia) mo Malumalu ma Talafaasolopito o Aiga

Sini:
‘O le faapotopotoina o tagata taitoatasi ma aiga i sauniga o le malumalu’ o se vaega o le Taulaiga a le Eria o le Pasefika e faamalosia ai le faatuatua ia Iesu Keriso, ta’i toatasi. O lenei aoaoga e faamamafa atu ai le taua o galuega o le malumalu ma talafaasolopito o aiga ma aoao ai tagata o le ekalesia i le auala e faaaoga ai le Ordinance Ready e auina atu ai igoa mo sauniga i le malumalu.

Faamoemoega:

  • Faamamafa le Taulaiga a le Eria o le Pasefika o le ‘Faapotopotoina o tagata taitoatasi ma aiga i sauniga o le malumalu’.
  • Aoao atu mataupu faavae o galuega o le malumalu ma talafaasolopito o aiga, faatasi ma se taulaiga i le matafaioi o le meafaigaluega o le Ordinance Ready.
  • I le faaiuga o le aoaoga ia mautinoa ua silafia e tagata matutua ma talavou taitasi le auala e:
    1. Auina atu ai se igoa e ave i le malumalu (e faaaoga ai le Ordinance Ready)
    2. Avea ai ma se tagata auina atu e ala i le auina atu o se igoa
  • O le a lagona e tagata o le ekalesia le uunaiga e faia lenei galuega i le olaga atoa o le auina atu o igoa ma ave i le malumalu.

Mua’i Sauniuniga:

  • TV po o le masini faaali ata ma le lau e faaali ai le vitio ‘Ordinance Ready’
  • O se kopi o le pepa o faamatalaga o le Taulaiga a le Eria o le Pasefika 2025
  • I le sauniuniga mo lenei aoaoga i le Aso Sa lima, matou te valaaulia ai aufono a uarota e fono, talanoa ma fuafua ia mea nei, a o le’i taitai oo i le faaiuga o Iuni.
  1. Ia faaauai le Komiti o Malumalu ma Talafaasolopito o Aiga a le uarota e taitai le talanoaga, e aofia ai le autalavou o e ua avea ma  se vaega o le komiti. 
  2. Valaaulia tagata uma o e ua i ai se faitotoa o le FamilySearch e fesootai i le Numera o le latou Pepa Faamaumau ma sii mai i lalo le polokalama o le Family Tree i a latou telefoni.
  3. Ia mautinoa e mafai ona latou saini e alu ai i totonu o le polokalama o le Family Tree (atonu e manaomia e nisi tagata le fesoasoani i lenei mea a o le’i oo i le aso).
  4. Ia faamasani le aufono a le uarota i le faaaogaina o le polokalama.
  5. Aemaise lava, ia faaauai le autalavou ma le YSA i le agai atu i le Aso Sa 5 ina ia saunia tagata uma e auai i le faatinoga
  • Sii mai le vitio “Auala e Faaaoga ai Sauniga ua Saunia /How to Use Ordinance Ready”,  fofogaina e Elder Meurs e faaali i le taimi o le aoaoga
    (sii mai ???) sootaga e saunia e le PSD
  • O taitai nei e tatau ona faamasani i lenei otootoga ina ia mafai ona latou taitoatasi ma aoao atu a latou vaega o le aoaoga:
    • Epikopo
    • Fesoasoani o le au peresitene o le Korama a Toeaina o loo nafa ma Malumalu ma Talafaasolopito o Aiga i le uarota/paranesi
    • Fesoasoani o le au peresitene o le Aualofa o loo nafa ma Malumalu ma Talafaasolopito o Aiga i le uarota/paranesi
    • Autalavou o loo avea ma se vaega o le komiti o Malumalu ma Talafaasolopito o Aiga i le uarota/paranesi
       
  • Ia maimoa e sui uma o le Komiti o Malumalu ma Talafaasolopito o Aiga a le Uarota ma faamasani i le vitio ma aoaoga ua lolomiina i luga o le ‘Auala e Faaaoga ai Sauniga ua Saumia’
  • Lolomi ni kopi o tufa’aga o aoaoga o loo i luga o le ‘Auala e Faaaoga ai Sauniga ua Saunia / How to Use Ordinance Ready’’ e tufatufaina atu
    (o loo faapipiiina atu faatasi ma lenei otootoga)

Otootoga ma Gaoioiga o le Aoaoga:

1. Faafeiloaiga ma le Faalauiloaina atu (10 minute)
E ao ona taitai e le Epikopo:

  • Faaali atu le pepa o faamatalaga o le Taulaiga a le Eria ma faamalamalama atu o le asō  o le a tatou talanoaina ai ni auala e mafai ona tatou fesoasoani atu ai i isi e o mai ia Keriso e ala i le faapotopotoina i sauniga o le malumalu.
  • Faitau le upusii lenei mai ia Elder Kevin S. Hamilton o le Fitugafulu, Faatonu Sili o le Matagaluega o Talafaasolopito o Aiga:
    “Na aoao mai Peresitene Nelson e faapea o le malumalu e “tausia lelei i igoa.” E faalagolago ia i tatou le faamautinoa ua tausia lelei o tatou malumalu i igoa o loo manaomia ina ia mafai ai e o tatou tuaa ona maua o latou sauniga ma mafai ai e tagata o le ekalesia ona olioli i faamanuiaga o le malumalu i o latou olaga atoa.  (‘O Se Taimi Tulaga Ese mo Galuega o le Malumalu ma Talafaasolopito o Aiga,’ Liahona Aokuso 2024)
  • Ia talanoaina le taua o talafaasolopito o aiga, faamamafa atu e fesootaia i tatou i o tatou tuaa ma faataunuu ai le poloaiga ia “faaliliuina loto o fanau i o latou tamā” (Malaki 4:6) e ala i le fesoasoani i tuaa ua maliliu ia maua sauniga faaola latou te le’i mauaina i luga o le fogaeleele.
  • Faasoa atu se aafiaga/molimau patino puupuu e uiga i faamanuiaga na mauaina e ala i le auai i le faatinoga o galuega o le malumalu ma talafaasolopito o aiga.

2. Aoaoga: Auala e Faaaoga ai Sauniga ua Saunia/How to Use Ordinance Ready (20 minute)
Taitai e Sui o le Komiti o Malumalu ma Talafaasolpito o Aiga (faatasi ma le fesoasoani mai Alii Talavou ma Tamaitai Talavou):

  • Faamalamalama atu o igoa agavaa ma saunia mo sauniga o le malumalu e auina atu mai le FamilySearch.
  • Faamatala le auala e fesoasoani ai le Ordinance Ready ia i tatou e saili ma auina atu nei igoa mo sauniga o le malumalu, faataitaiga, papatisoga, faamauga, sauniga amata, faaeega paia, ma faamauga i le toalua ma matua. E fesoasoani le Ordinances Ready e saili ai igoa ua agavaa mai nei punavai i le faasologa lenei:
    1. O tatou lava gafa faaleaiga
    2. O gafa faaleaiga o tagata o le  tatou uarota ma le siteki
    3. Gafa faaleaiga i le lalolagi atoa
  • Faataitaiga:
    1. Faaali le vitio “Auala e Faaaoga ai Sauniga ua Saunia/How to Use Ordinance Ready”
    2. Fai atu i tagata taitoatasi e o i le polokalama o le Family Tree (Gafa o Aiga) i luga o a latou telefoni po o le FamilySearch.org i a latou komepiuta
    3. Saini e alu ai i totonu i le FamilySearch
    4. Faasolosolo i laasaga e 7 o le faaaogaina o le Ordinance Ready i luga o a latou masini/telefoni (faaali i luga o le lau pe tuuina tufa’agāpepa e taiala ai)

3. Saunoaga Faaiu ma le Valaaulia ia Avea ma Tagata Masani e Auina atu [igoa] (5 minute)
Taitai e le Epikopo po o Sui o le Komiti o Malumalu ma Talafaasolopito o Aiga a le Uarota.

  • Molimau atu i le taua ma faamanuiaga o galuega o le malumalu ma talafaasolopito o aiga.
  • Ia talanoaina pe mafai faapefea e le avea ma se tagata masani e auina atu soo ia igoa ona fesoasoani ia i tatou uma i le faapotopotoina o tagata taitoatasi ma aiga i sauniga o le malumalu.
  • Valaaulia tagata uma ia avea ma tagata masani e auina soo atu [ia igoa] ma ave ni igoa o na tagata i le malumalu.
  • Valaaulia tagata uma ia avea ma tagata masani e auina soo atu [ia igoa] ma ave ni igoa o na tagata i le malumalu].
  • Ia faamamafa atu o galuega o le malumalu ma talafaasolopito o aiga o se aafiaga o le olaga atoa.

Auala e Faaaoga ai Sauniga ua Saunia

Auala e Faaaoga ai Ordinances Ready i le Masini IOS ma le Android

  1. Alu i le polokalama o le Family Tree i lau telefoni po o le FamilySearch.org
  2. Filifili le aikona Temple (malumalu) i le pito i lalo o le lau (iOS) po o le faamau o le lisi autu (menu) (Android po o le palausa o le uepisaite).
  3. Oomi le faamau Ordinances Ready e oso a’e (i le app). Afai o loo e faaaogaina se palausa mopili (e pei o le Chrome), oomi le faamau o loo i lalo o le ata o Iesu Keriso.
  4. Filifili a le o le Alii po o le Tamaitai ma le Ituaiga o Sauniga e te manao e faatino. Mo se faataitaiga, Papatisoga ma le Faamauga, Sauniga Amata, Faaeega Paia po o le Faamauga i Matua po o le Toalua.
  5. Ona su’e lea e le polokalama tagata o loo manaomia ia sauniga mai lau Lisi Faaleoleo (Reservation List) pe e ala atu i isi avanoa o le Malumalu
    Oomi le faamau Maimoa (View) e tagatagai ai i tagata, o o latou faamatalaga, ma lau faiā ia i latou.
  6. Oomi le Continue pe a e filifilia ni tagata e te manao e faatino ni sauniga mo latou.
  7. Ona mafai lea ona e Maimoa, Sefe, Lolomi (View, Save, Print) ia kata pe ave le QR code po o le numera  i le Malumalu.

Ma le isi, a o i ai i totonu o lenei polokalame, ua ia te oe le avanoa e faatulaga ai se taimi e auai ai i le Malumalu.

(O nei faatonuga ua tusia mo masini/telefoni Apple IOS. E tutusa lava laasaga o loo i ai mo masini/telefoni Android).