Pacific Languages (English, Samoan, French)
Fakahinohino ki he Sāpate Nimá maʻá e Kakai Lalahí mo e Toʻu Tupú – Sāpate 29 Sune 2025
Ko Hono Fakaʻaongaʻi ʻo e Ngaahi Ouau Kuo Māú ki he Temipalé mo e Hisitōlia Fakafāmilí
Taumuʻá:
ʻKo hono tānaki ʻo e fakafoʻituituí mo e ngaahi fāmilí ki he ngaahi ouau ʻo e temipaléʼ ko e konga ia ʻo e Taumuʻa ʻa e ʻĒlia Pasifikí ke fakamālohia taha taha ʻa e tui kia Sīsū Kalaisí. ʻOku fakamamafaʻi ʻe he fakahinohino ko ʻení ʻa e mahuʻinga ʻo e ngāue fakatemipalé mo e hisitōlia fakafāmilí pea fakahinohinoʻi ʻa e kāingalotú ʻi he founga hono fakaʻaongaʻi ʻo e Ngaahi Ouau Kuo Māú ke fakahū mai ʻaki ha ngaahi hingoa ki he ngaahi ouau fakatemipalé.
Ngaahi Taumuʻa Ngāué:
- Fakamamafaʻi e Taumuʻa ʻa e ʻĒlia Pasifikí ki hono ʻtānaki ʻo e fakafoʻituituí mo e ngaahi fāmilí ki he ngaahi ouau ʻo e temipaléʼ.
- Akoʻi e ngaahi tefitoʻi moʻoni ʻo e ngāue fakatemipalé mo e hisitōlia fakafāmilí, pea tokanga taha ki he fatongia ʻo e meʻangāue ki he Ngaahi Ouau Kuo Māú.
- ʻI he fakaʻosinga ʻo e fakahinohinó, fakapapauʻi ʻoku ʻiloʻi ʻe he tokotaha lahi mo e toʻu tupu takitaha ʻa e founga ke:
- Fakahū ha hingoa ke ʻave ki he temipalé (ngāue ʻaki ʻa e Ngaahi Ouau Kuo Māú)
- Kuo hoko ko ha tokotaha fakahū ʻaki hono fakahū ha hingoa
- ʻE ongoʻi ʻe he kāingalotú ʻoku ueʻi kinautolu ke nau fakahoko ʻeni ʻi he kotoa ʻo ʻenau moʻuí ʻi hono fakahū ʻo ha ngaahi hingoa mo ʻave kinautolu ki he temipalé.
Teuteu Kimuʻá:
- TV pe projector (mīsini fakaʻata lahí) mo e monitoa (screen) ke huluʻi ʻa e vitiō ʻNgaahi Ouau Kuo Māúʼ
- Ko ha tatau ʻo e fakamatala fakapepa Taumuʻa ʻa e ʻĒlia Pasifikí 2025
- ʻI he teuteu atu ki he fakahinohino ko ʻeni ʻi he Sāpate nimá, ʻoku mau fakaafeʻi atu ai ʻa e ngaahi fakataha alēlea fakauōtí ke nau fakataha, aleaʻi mo palani ʻa e ngaahi meʻa ko ʻení, kimuʻa pea ʻosi ʻa Suné.
- Fakakau mai e Kōmiti Fakauooti ki he Temipalé mo e Hisitōlia Fakafāmilí ke tataki e fealēleaʻakí, kau ai e toʻu tupu ʻoku kau ʻi he kōmití.
- Fakaafeʻi e mēmipa kotoa pē ke ʻi ai haʻanau ʻakauni FamilySearch ʻoku fehokotaki mo ʻenau Fika Mēmipasipí pea download ʻa e polokalama Family Tree (Fuʻu ʻAkau Fakafāmilí) ʻi heʻenau telefoni toʻotoʻó.
- Fakapapauʻi te nau lava ʻo hū ki he polokalama Family Tree (Fuʻu ʻAkau Fakafāmilí) (mahalo ʻe fiemaʻu tokoni ha kāingalotu ʻe niʻihi ʻi he meʻá ni kimuʻa he ʻaho ko iá).
- Ke maheni ʻa e fakataha alēlea fakauōtí mo ʻenau vakavakai holo ʻi he polokalamá.
- ʻOku tautautefito hono fakakau mai ʻa e toʻu tupú mo e YSA ʻi he fakaofi atu ki he Sāpate 5 koeʻuhí ke mateuteu ʻa e taha kotoa ke kau mai
- Download ʻa e foʻi vitiō “Founga Fakaʻaongaʻi ʻo e Ngaahi Ouau Kuo Māú”, naʻe fakamatalaʻi ʻe ʻEletā Miua ke huluʻi lolotonga ʻa e fakahinohinó
(download mei he ???) fehokotakiʻangá ke ʻoatu ʻe he PSD - ʻOku totonu ke maheni ʻa e kau taki ko ʻení mo e fokotuʻutuʻu ko ʻení koeʻuhí ke nau takitaha lava ʻo fakamatalaʻi ʻenau ngaahi konga ʻo e fakahinohinó:
- Pīsope
- Tokoni ʻi he kau palesitenisī ʻo e Kōlomu ʻo e Kaumātuʻá ʻokú ne fatongia ʻaki e ngāue ʻi he Temipalé mo e Hisitōlia Fakafāmili ʻi he uōtí/koló
- Tokoni ʻi he kau palesitenisī ʻi he Fineʻofá ʻokú ne fatongia ʻaki ʻa e ngāue ʻi he Temipalé mo e Hisitōlia Fakafāmili ʻi he uōtí/koló
- Toʻu Tupu ʻoku kau ʻi he kōmiti Temipale mo e Hisitōlia Fakafāmili ʻi he uōtí/koló
- Ke mamataʻi ʻe he kau mēmipa kotoa pē ʻo e Kōmiti Temipale mo e Hisitōlia Fakafāmili ʻo e Uōtí mo nau maheni mo e vitiō mo e ngaahi fakahinohino naʻe paaki ʻi he ʻFounga Fakaʻaongaʻi ʻo e Ngaahi Ouau Kuo Māúʼ
- Paaki e ngaahi tatau ʻo e laʻipepa tufa ʻo e Ngaahi Fakahinohino ki he ʻFounga Fakaʻaongaʻi ʻo e Ngaahi Ouau Kuo Māúʼ ke tufa
(ʻoku ʻoatu fakataha mo e fokotuʻutuʻu ko ʻení)
Fokotuʻutuʻu ʻo e Fakahinohinó mo e Ngaahi ʻEkitivitií:
1. Talitalí mo e Talateú (miniti ʻe 10)
Ke tataki ʻe he Pīsopé:
- Fakaʻaliʻali ʻa e fakamatala fakapepa ʻo e Taumuʻa ʻo e ʻĒliá pea fakamatalaʻi ange, te tau aleaʻi he ʻahó ni ʻa e founga te tau lava ai ʻo tokoniʻi e niʻihi kehé ke nau haʻu kia Kalaisi ʻaki ʻenau fakatahataha mai ki he ngaahi ouau ʻo e temipalé.
- Lau ʻa e kupuʻi lea ko ʻeni meia ʻEletā Kēvini S. Hemilitoni ʻo e Kau Fitungofulú, Talēkita Pule ʻo e Potungāue Hisitōlia Fakafāmilí:
“Kuo ʻosi akoʻi ʻe Palesiteni Nalesoni ko e temipalé ʻoku “fafangaʻi ʻaki ʻa e ngaahi hingoá.” Ko e meʻa ia ʻatautolu ke fakapapauʻi ʻoku fafangaʻi lelei hotau ngaahi temipalé ʻaki ʻa e ngaahi hingoa ʻoku fiemaʻú ke lava ʻetau ngaahi kuí ʻo maʻu honau ngaahi ouaú pea lava [ke fiefia ʻa e kāingalotú ʻi he ngaahi tāpuaki ʻo e temipalé ʻi he kotoa ʻo ʻenau moʻuí]”. (‘Ko ha Taimi Taʻe-mafakatataua ki he Ngāue Faka-temipalé mo e Hisitōlia Fakafāmilí’ Liahona ʻAokosi 2024) - Aleaʻi ʻa e mahuʻinga ʻo e hisitōlia fakafāmilí, ʻo fakamamafaʻi ʻokú ne fakafehokotaki kitautolu ki heʻetau ngaahi kuí mo fakahoko ʻa e fekau ke “liliu ʻa e loto … ʻo e fānaú ki heʻenau mātuʻá” (Malakai 4:6) ʻaki hono tokoniʻi e ngaahi kui kuo pekiá ke nau maʻu ʻa e ngaahi ouau fakamoʻui naʻe ʻikai ke nau maʻu ʻi he māmaní.
- Vahevahe ha aʻusia/fakamoʻoni fakataautaha nounou ki he ngaahi tāpuaki ʻoku maʻu ʻi he kau atu ki he ngāue fakatemipalé mo e hisitōlia fakafāmilí.
2. Fakahinohinó: Founga Fakaʻaongaʻi ʻo e Ngaahi Ouau Kuo Māú (miniti ʻe 20)
Tataki ʻe he Kau Mēmipa ʻo e Kōmiti Temipalé mo e Hisitōlia Fakafāmilí (ʻi he tokoni mei he Kau Talavoú mo e Kau Finemuí):
- Fakamatalaʻi ange ko e ngaahi hingoa feʻunga kuo maau ki he ngaahi ouau fakatemipalé ʻoku fakahū ia mei he FamilySearch.
- Fakamatalaʻi e founga ʻoku tokoniʻi ai kitautolu ʻe he Ngaahi Ouau Kuo Māú ke tau kumi mo fakahū e ngaahi hingoa ko ʻení ki he ngaahi ouau fakatemipalé, hangē ko e papitaisó, hilifakinimá, ʻinisitolí, ʻenitaumení, mo e sila ki he hoa malí mo e mātuʻá. ʻOku tokoni ʻa e Ngaahi Ouau Kuo Māú ke maʻu ha ngaahi hingoa ʻoku feʻunga mei he ngaahi maʻuʻanga tokoni ko ʻení ʻi he fakahokohoko ko ʻení:
- Ko e pē fuʻu ʻakau fakafāmili ʻatautolú
- Ko e ngaahi fuʻu ʻakau fakafāmili ʻa e mēmipa hotau uōtí mo e siteikí
- Ngaahi fuʻu ʻakau fakafāmili fakaemāmani lahí
- Fakaʻaliʻalí:
- Huluʻi ʻa e foʻi vitiō “Founga Fakaʻaongaʻi ʻo e Ngaahi Ouau Kuo Māú”
- Kole ki he mēmipa takitaha ke ʻalu ki he polokalama Family Tree (Fuʻu ʻAkau Fakafāmili) ʻi heʻenau telefoní pe FamilySearch.org ʻi heʻenau komipiutá
- Hū ki he FamilySearch
- Vakaiʻi ʻa e sitepu ʻe 7 ki hono fakaʻaongaʻi ʻo e Ngaahi Ouau Kuo Māú ʻi heʻenau ngaahi meʻangāue fakaʻilekitulōniká (fakaʻaliʻali ʻi he monitoá (screen) pe ʻoange ha ngaahi laʻipepa tufa ke maʻu mei ai ha fakahinohino)
3. Lea Tukú mo e Fakaafe ke Hoko ko ha Tokotaha Fakahū Angamahení (miniti ʻe 5)
Tataki ʻe he Pīsopé pe Kau Mēmipa ʻo e Kōmiti Temipalé mo e Hisitōlia Fakafāmili ʻa e Uōtí.
- Fakamoʻoni ki he mahuʻinga mo e ngaahi tāpuaki ʻo e ngāue fakatemipalé mo e hisitōlia fakafāmilí.
- Aleaʻi ʻa e founga ʻe lava ke hoko ai ʻa e fakahū maʻu pē ʻo e hingoá ke tokoniʻi ai kitautolu kotoa ʻi heʻetau tānaki e niʻihi fakafoʻituituí mo e ngaahi fāmilí ki he ngaahi ouau ʻi he temipalé.
- Fakaafeʻi ʻa e kāingalotu kotoa pē ke nau fakahū maʻu pē mo ʻave ʻa e ngaahi hingoa ʻo e niʻihi fakafoʻituitui ko iá ki he temipalé.
- Fakaafeʻi ʻa e tokotaha kotoa pē ke fakaʻaliʻali ki ha mēmipa ʻo e fāmilí pe ko ha taha ʻokú ke ngāue fakaetauhi ki ai, ʻa e founga ke hoko ai ko ha tokotaha fakahuú.
- Fakamamafaʻi hono ʻai ke hoko ʻa e ngāue fakatemipalé mo e hisitōlia fakafāmilí ko ha aʻusia ʻi he moʻuí kotoa.
How to Use Ordinances Ready
Take out your mobile phone with the Family Tree application already installed and follow the seven simple steps to use Ordinances Ready:
- Go to the Family Tree application on your phone
- Select the Temple icon on the bottom of the screen
- Select the Ordinances Ready button which will pop up
- Select either Male or Female and then the Type of Ordinance you wish to perform. example Baptism and Confirmation, Initiatory or Sealing to Parents or Spouse
- The application will then find individuals needing ordinances from your Reservation List or through other Temple opportunities.
Tap on the View button, to view the people their details and your relationship to them - Tap Continue when you have selected those people for who you wish to perform ordinances
- You can then View, Save, Print the cards or take the QR code or number to the Temple.
Also, while in this application you have the opportunity to schedule an appointment at the Temple.
(These instructions are written for Apple IOS devices. Similar steps exist for Android devices).